Ատրպէյջանի մէջ հայ գերիներու դատապարտումներն ամբողջովին անհիմն են, արհեստական պրոցեսի արհեստական արդիւնք, յայտարարած է Մարդու իրաւունքներու պաշտպանը: Արման Թաթոյեանը շեշտած է` անոնց ազատազրկումները միջազգային իրաւունքով արգիլուած պատիժ են:

Ըստ անոր` Ատրպէյջանական իշխանութիւններու կազմակերպած իւրաքանչիւր «դատավարութիւն» կուղեկցուի ատրպէյջանական լրատուամիջոցներուն մարդու արժանապատւութիւնը, իրաւունքները ոտնահարող հրապարակումներով, ինչը յատուկ  կը կատարուի ու կը  կրէ կազմակերպուած բնոյթ։

«Ակնյայտ է, որ այս «դատավարութիւնները» արտաքին աշխարհի համար նախատեսուած շղարշ են: Նրա համար , որ Ատրպէյջանի մէջ ունենան գերիներուն ազատ չարձակելու «արդարացում», իսկ այդ ընթացքին հասցնեն որքան հնարաւոր է շատ ռազմական-քաղաքական օգուտներ ստանալ», – նշած է Արման Թաթոյեանը` հաւելելով, որ այս վիճակը կոպիտ խախտում է մարդու իրաւունքներու միջազգային պահանջները, այդ թիւին` Ժնեւի 1949թ. երրորդ կոնվենցիան: