Մեծանուն կոմպոզիտոր, դաշնակահար, մանկավարժ, Խորհրդային Միութեան եւ ՀԽՍՀ ժողովրդական արտիստ Առնօ Պապաճանեանի ծննդեան 100-ամեակին նուիրուած հոբելիանական միջոցառումներու շրջանակներուն Հայաստանի պետական ֆիլհարմոնիան՝ ՀՀ կրթութեան, գիտութեան, մշակոյթի եւ սպորտի նախարարութեան հովանիի ներքոյ, կիրականացնէ «Պապաճանեանը Երեւանում» համերգային նախագիծը: Այն տեղի կունենայ Հուլիսի 3-9-ը:

«Արմենփրես»-ի հաղորդմամբ՝ նախագիծի շրջանակին Հայաստանի պետական ֆիլհարմոնիան մայրաքաղաքի  շարք մը հրապարակներու եւ այգիներու մէջ կը կազմակերպէ 6 բացօթեայ համերգ: Համերգներու ընթացքին կը ներկայացուին Առնօ Պապաճանեանի ստեղծագործութիւնները:

Միջոցառումները կիրականացուին Կենտրոն վարչական շրջանին մէջ՝ Առնօ Պապաճանեանի արձանի հարակից տարածքին, Նոր Նորք վարչական շրջանի Թաթուլ Կրպէեանի անուան զբօսայգիի, Շենգավիթ վարչական շրջանի Գարեգին Նժդեհի հրապարակին,  Էրեբունի վարչական շրջանի Վարդավառի լիճի հարակից տարածքին եւ Աջափնեակ վարչական շրջանի Թումանեանի անուան զբօսայիին մէջ: