Արցախի մէջ Ռուսաստանի խաղաղապահ զօրակազմի ականանետային անձնակազմերը հերթական մարտական վարժանքներու շրջանակներուն կատարած են շարք մը ուսումնական առաջադրանքներ՝ համաձայն խաղաղապահ ստորաբաժանումներու մարտական պատրաստութեան ծրագիրի:

Այդ մասին հաղորդագրութիւն տարածած է ՌԴ ՊՆ-ն:

Հաղորդագրութեան մէջ կ՛ըսուի, որ դիտակէտին ուսումնական գործողութիւններու ընթացքին, զինուորական անձնակազմը կատարելագործեր է ականանետերը մարտական վիճակի բերելու հմտութիւնները:

«Մարտական վարժանքներն ամեն օր կիրականացուին դիրքի դիմաց: Անոր համար մենք կառուցեր ենք մերձզորանոցային ուսումնական եւ նիւթական բազա, որտեղ հնարաւոր է իրականացնել  ինժեներական եւ քարտեզագրական ուսուցում»,- ըսած է դիտակէտի հրամանատար Ալեքսանտր Պելոուսովը:

ՌԴ ՊՆ-ն կը յայտնէ, որ չնայած դիտակէտերուն ռուս խաղաղապահներու շուրջօրեայ հերթապահութեանը, ռուսական խաղաղապահ զօրքերու հրամանատարութիւնը նախատեսեր է ուսումնական դասընթացներ խաղաղապահ ստորաբաժանումներու մարտական պատրաստութեան հիմնական թեմաներու վերաբերեալ, ներառեալ՝ մարտավարական, արտական եւ յատուկ պատրաստութեան, ինչպէս նաեւ մարտական եւ այլ յատուկ տեխնիկայի վարումը:

Ընդհանուր առմամբ, ռուսական խաղաղապահ զօրախումբի շուրջ 50 զինծառայող ներգրաւուած է  մարտական պատրաստութեան դասընթացին: