Իրաքի հիւսիսին գտնուող Մեթինա շրջանին քուրտ պարտիզաններու կողմէ իրականացուած գործողութիւններու ժամանակ զոհուեր է 4 թուրք զինուոր,  զաւթիչներուն պատկանող զինապահեստին մէջ պայթիւն տեղի ունեցեր է: Թուրքական բանակը եւս մէկ անգամ շուներ  ուղարկած է պատերազմի տարածք օգտագործելով քիմիական գազ:

Գործողութիւնէն ետք թուրքական բանակը ցանկացեր է Skorsky ուղղաթիռներով տարածքէն հեռացնել  զոհուածներուն:  Սակայն պարտիզաններու թիրախին գտնուող ուղղաթիռները ստիպուած եղեր են տարածքէն հեռանալ: Բռնազաւթիչ թուրքական բանակը կը շարունակէ իր գրոհները՝ գազային ռումբեր ու պայթուցիկ նիւթեր նետելով Գիրէ Սոր շրջանի մարտական ​​դիրքերուն վրայ: Անոնք մարտական գործողութեան առաջին օրէն հանդիպեր են քուրտ ​​պարտիզաններու ուժեղ դիմադրութեանը եւ չստանալով ցանկալի արդիւնք, օգտագործեր են քիմիական գազեր եւ կատարած են ռազմական յանցագործութիւններ՝ ոչնչացնելով Հարաւային Քուրտիստանի աշխարհագրութիւնը: Թուրքական պետութիւնը ծառեր կը հատէ, կը թիրախաւորէ խիտ անտառային տարածքները եւ կայրէ անոնք:

Մենք մէկ անգամ եւս ականատես եղանք, թէ որքան զաւթիչ ու անողոք է թուրքական բանակը: