1907-ին Վանի Խառակոնիս գիւղը ծնած Մարգար Սեդրակեան Հայերու Ցեղասպանութեան տարիներուն կորսնցուցած է իր ծնողները եւ մեծցած է հայկական որբանոցներու մէջ։ Յետագային ան դարձած է Երեւանի քոնեակի գործարանի անուանի վարպետներէն մէկը՝ իր բացառիկ մասնագիտական գիտելիքներով հայկական քոնեակագործութիւնը նոր մակարդակի հասցնելով։
Սեդրակեանի ստեղծած յայտնի խառնուրդներուն շարքին էին «Դուին», «Նայիրի», «Ախթամար» եւ «Յոբելենական» քոնեակները, որոնք միջազգային բարձր գնահատականներու արժանացած են։ Անոր մասնագիտական վարպետութիւնը նպաստած է հայկական քոնեակի միջազգային հեղինակութեան ձեւաւորման։
1945-ի Եալթայի համաժողովին ընթացքին Ուինսթըն Չըրչըլին հիւրասիրած են Մարգար Սեդրակեանի ստեղծած «Դուին» քոնեակով, ինչ որ այս անունը կապած է հայկական քոնեակի միջազգային ճանաչման պատմութեան հետ։
Մարգար Սեդրակեանի կեանքի պատմութիւնը Հայերու Ցեղասպանութիւնը վերապրած սերունդի տոկունութեան եւ ստեղծագործական ուժի ուշագրաւ օրինակներէն մէկն է։
Հեղինակ՝ Շուշաննա Հայասա