Արմավիրում նախատեսվում է Կոմիտաս Վարդապետի ծննդյան օրվան նվիրված յուրահատուկ մշակութային նախաձեռնություն՝ մեկտեղելով 300 մասնակիցների մեկ մեծ երգչախմբում։
Նախաձեռնությունը ներշնչված է Կոմիտասի հիմնադրած շուրջ 300 հոգանոց «Գուսան» երգչախմբի պատմությունից։ Տարբեր սերունդների ներկայացուցիչները միասին կկատարեն Կոմիտասի ստեղծագործությունները՝ երաժշտությունը դարձնելով միավորման և մշակութային ժառանգության պահպանման միջոց։
Ծրագրի նպատակն է նաև ակտիվացնել Արմավիրի մարզային մշակութային կյանքը և կազմակերպել բարձրարժեք մշակութային միջոցառում։