Գերմանական «Die Welt» պարբերականում հայազգի լրագրող Սելին Բաբաչյանը ներկայացրել է իր գաստրոնոմիական ճանապարհորդությունը Հայաստանում՝ անդրադառնալով երկրի ավանդական խոհանոցին, շուկաներին, գյուղական կենցաղին և ժամանակակից ռեստորաններին։

Լրագրողը Հայաստանը նկարագրում է որպես երկիր, որտեղ խոհանոցը փոխանցում է կյանքի հանդեպ ուրախության և կենսասիրության զգացում։ Ճանապարհորդության ընթացքում նա այցելել է ավանդական ռեստորաններ, շուկաներ և գյուղեր, որտեղ լավաշը դեռևս պատրաստվում է դարավոր եղանակով՝ կավե տաք թոնրի պատերին փակցնելով խմորը։

Բաբաչյանը առանձնահատուկ անդրադարձել է նաև Երևանի «Tun Lahmajo», «Gata Tavern» և «Sherep» ռեստորաններին՝ ընդգծելով դրանց յուրահատուկ մթնոլորտն ու հայկական խոհանոցի ավանդական և ժամանակակից մոտեցումների համադրությունը։

Հոդվածը ցույց է տալիս, որ հայկական խոհանոցը միայն ուտեստների հավաքածու չէ։ Այն Հայաստանի մշակույթի, առօրյայի և մարդկանց կենսուրախության կարևոր մասն է, որը շարունակում է հետաքրքրել նաև միջազգային այցելուներին։