Ջաւախքի Թախչա գիւղին մէջ գիւղի օրուան տօնակատարութեան ընթացքին կրկին վերակենդանացաւ հայկական լարախաղացութեան հնագոյն աւանդոյթը։ Ութսունամեայ փահլեւան Վլատիմիր Յակոբեան՝ Արեւմտեան Հայաստանի վերջին յայտնի լարախաղացներէն մէկը, զուռնա-դհոլի հնչիւններուն ներքոյ քալեց գետնէն բարձր ձգուած պարանին վրայ՝ արժանանալով ներկաներու ջերմ ընդունելութեան։
Վարպետը, որ աւելի քան եօթ տասնամեակ հաւատարիմ մնացած է իր արուեստին, ընդգծեց հայկական մշակութային ժառանգութեան պահպանման կարեւորութիւնը։ Ան նաեւ պատմեց իր կեանքի ուղիին, մեծ ընտանիքին եւ ստեղծագործական գործունէութեան մասին։
Հայկական լարախաղացութիւնը դարաւոր պատմութիւն ունեցող ժողովրդական արուեստ մըն է, որուն արմատները կը հասնին մինչեւ նախաքրիստոնէական ժամանակներ։ Այսօր Վլատիմիր Յակոբեան կը շարունակէ պահպանել եւ փոխանցել այս բացառիկ աւանդոյթը՝ յիշեցնելով, որ անիկա հայ ժողովուրդի մշակութային ինքնութեան կարեւոր բաղադրիչներէն մէկն է։