«Բենիամին. Հայաստանի հնագոյն մայրաքաղաքը» խորագիրով ցուցայանդէս 

  • by Western Armenia, June 17, 2024 in Մշակոյթ
65 դիտում

Գիւմրիի Ասլամազեան քոյրերու պատկերասրահին մէջ տեղի է ունեցած Շիրակին երկրագիտական թանգարանի «Բենիամին. Հայաստանի հնագոյն մայրաքաղաքը» խորագիրով ցուցայանդէսին բացումը։  

Ցուցադրութեան մէջ ներկայացուած են այնպիսի եզակի նմուշներ ինչպիսիք են Արտաշէս արքային սահմանաքարը, բազմաթիվ զարդեր եւ արձանիկներ։

Բենիամիանին հնավայրը յայտնաբերուած է 1989ին։ Հնագիտական պեղումները սկսուած են հայ-ֆրանսական արշաւախումբի կողմէն եւ որոշակի ընդմիջումներով կը շարունակուին մինչեւ օրս։ Շուրջ  քսան տարի տեւած հնագիտական պեղումները տուած են բացառիկ արդիւնքներ Հայաստանի եւ  ամբողջ տարածաշրջանի աքեմենեան եւ անտիկ ժամանակաշրջաններու նկարագրութեան մասին։

Բենիամինին աքեմենեան պալատը եւ սիւնազարդ անտիկ դահլիճը հեթանոսական Հայաստանի բացառիկ նմուշներէն են։ Յատկանշական է, որ աքեմենեան սիւնազարդ դահլիճը վստահաբար կը խօսի Բենիամինին հզոր դերակատարութեան մասին հիւսիսարեւելեան Հայաստանին մէջ՝ ունեցած է վարչական կեդրոնին դեր հզոր աքեմենեան կայսրութեան մէջ։ 

Մինչ այս ցուցադրութիւնը Բենիամինին վերջին ամբողջական ցուցադրութիւնը տեղի է ունեցած Ֆրանսիոյ մէջ  2007-2008երուն։ Քանի մը անգամ որոշ նմուշներ Բենիամինէն եղած են Հայաստանի Պատմութեան թանգարանին մէջ։ 

Ցուցադրութիւնը կգործէ երկու շաբաթ։