https://www.facebook.com/reel/4358728824376587
Բռնագրաւուած Արեւմտեան Հայաստանի Խարբերդի մէջ կազմակերպուած է հայկական ժողովրդական պարերու աշխատաժողով մը, որուն նպատակն էր վերակենդանացնել եւ հայրենի հողին վրայ վերականգնել հայկական մշակութային արմատները։
Մասնակիցներուն ուսուցանուած են հայկական աւանդական պարեր՝ Գէօվընտ, Թամզարա (ներառեալ Խարբերդի տարբերակը) եւ Մշոյ Քոչարի։
Աշխատաժողովի ընթացքին հնչած է նաեւ Խարբերդի «Թամզարա»-ն՝ Ճոն Պէրպէրեանի, Մալ Պարսամեանի, Պրիւս Կիկարճեանի եւ Ռոն Թութունճեանի կատարմամբ։
Միջոցառումը իրականացուած է ֆրանսական YERKIR հասարակական կազմակերպութեան նախաձեռնութեամբ՝ նպատակ ունենալով պահպանել, փոխանցել եւ պատմական հայրենիքի մէջ վերակենդանացնել հայկական ժողովրդական պարային ժառանգութիւնը։
