Ներսէս Շնորհալիի մահուան 850-ամեակին առթիւ «Հովեր» երգչախումբը համերգային ծրագիր պիտի ներկայացնէ ԵՈւՆԷՍՔՕ-ի մէջ

  • by Western Armenia, February 02, 2023 in Մշակոյթ
227 դիտում

 «Հովեր» պետական երգչախումբի հիմնադիր խմբավար, Կոմիտասի անուան պետական երաժշտանոցի նախագահ   Սոնա Յովհաննիսեան,  «Ազատութիւն» կայանին տուած հարցազրոյցի ընթացքին  նշած  է, որ հայ բանաստեղծ, մատենագիր, երաժիշտ-երգահան Ներսէս Շնորհալիի մահուան 850-րդ տարելիցին առթիւ  «Հովեր» երգչախումբին առաջարկուած է ԵՈւՆԷՍՔՕ-ի մէջ ներկայացնել  համերգային ծրագիր՝ մէկ ժամ տեւողութեամբ։ 

Տասնամեակներ շարունակ «Հովեր» երգչախումբը երաժշտասէրներուն կը փոխանցէ դարերու ընթացքին կուտակուած թէ' հայ հոգեւոր երգը, թէ' հայ եւ արեւմտա-եւրոպական լաւագոյն գործեր, ժամանակակից հեղինակներու ստեղծագործութիւններ եւ, ինչպէս կը շեշտէ Սոնա Յովհաննիսեան, «Այն հարստութիւնը, որ մենք ունինք հոգեւոր խմբերգային երաժշտութեան ընդգրկման մէջ, ինչ-որ մասով, փոքրիկ մասով մը, պիտի ներկայացնենք մեր սիրելի ունկնդրին»: