«Սալոմէ». Վարդգէս Սուրենեանցի վերականգնուած գլուխգործոցը կը ցուցադրուի Հայաստանի ազգային պատկերասրահին մէջ 

  • by Western Armenia, March 25, 2024 in Մշակոյթ
44 դիտում

Հայաստանի ազգային պատկերասրահը կը շարունակէ «Վերականգնուած ցուցանմուշի պատմութիւն» նախագիծը

Այս տարի կը ներկայացուի  բոլոր ժամանակներու ամէնաառեղծուածային կերպարը  պատկերող յայտնի գլուխգործոցին վերականգնման պատմութիւնը։ Դեռեւս 2019 թ․ մշտական ցուցադրութենէ հանուած եւ վերականգնման արուեստանոց տեղափոխուած  «Սալոմէն» վերադարձած է ցուցասրահ։

Հայաստանի ազգային պատկերասրահին տնօրէն Մարինա Յակոբեանի տեղեկացմամբ՝ պատկերասրահին մէջ 2021-ին մեկնարկած է «Վերականգնուած ցուցանմուշի պատմութիւն» նախագիծը, որու շրջանակը վերականգնուած եւ ցուցադրութեամբ հանրութեան են ներկայացուած 4 գլուխգործոցներ։ Այժմ երկար դադարէն ետք Հայաստանի ազգային պատկերասրահի ցուցադրութեանն է վերադարձած հայ եւ համաշխարհային կերպարուեստի գանձերէն մէկը՝ ազգային պատմանկարչութեան հիմնադիր Վարդգէս Սուրենեանցի՝ «Սալոմէ» հանրայայտ ստեղծագործութիւնը։

Նշենք, որ 1929-ին Հռոմէն Երեւան տեղափոխուած այս գլուխգործոցը մշտապէս ներկայացուած է եղած Հայաստանի ազգային պատկերասրահին մէջ։ 2019-ի «Սալոմէ»-ն հիմնովին վերականգնման նպատակով տեղափոխուած է Հայաստանի ազգային պատկերասրահի «Վերականգնման եւ կոնսերվացման» բաժին։ Հինգ տարի տեւած՝ Վարդգես Սուրենեանցի ամէնատպավորիչ եւ ազդեցիկ կտաւներէն մէկի՝ «Սալոմէ»-ի համալիր  վերականգնումը  վերադարձուցած է  իր  երբեմնի տեսքն ու շքեղութիւնը։

Հայ կերպարուեստի խոշորագոյն վարպետ Վարդգէս Սուրենեանցի վերականգնուած կտավին քովը այժմ կը ցուցադրուին նաեւ վերականգնման երկարատեւ ընթացքը ներկայացնող ամփոփ տեսանիւթն ու աշխատանքային լուսանկարները՝  իրենց բացատրագիրներով:

Էքսպոզիցիոն առաջին սրահը կը վերարտադրէ վերականգնման արուեստանոցի անկիւն մը՝ համապատասխան գործիքներով ու նիւթերով աշխատանքային սեղան, նկարակալ եւ այլն։ Ենթատարածքի ամէնահետաքրքիր «նմուշներէն» են մանրադիտակն ու ուլտրամանուշակագոյն լամպը, որոնցով այցելուն կրնայ ինքնուրոյն զննիլ ստեղծագործութեան վերականգնուած յատուածները, երանգաւորումներն ու այլ միջամտութիւնները: Ցուցայանդէսին մէջ ներկայացուած է նաեւ «Սալոմէ» կտաւի շոշափելի կրկնօրինակը՝ պատրաստուած տեսողութեան խնդիրներ ունեցող մարդոց համար։