Սիւրիհիսարի հայկական եկեղեցին՝ վանդալիզմի զոհ

  • by Western Armenia, May 17, 2024 in Մշակոյթ
54 դիտում

«Անյայտ անձինք գրառումներ են կատարած Էսքիշեհիրի Սիվրիհիսար գաւառին մէջ գտնուող Սուրբ Երրորդութիւն հայկական եկեղեցիին պատերուն եւ փոսեր փորած հոն»”։ Ասոր մասին կը յայտնէ “Akunq.net”-ը։

Աղբիւրի համաձայն՝ այդ վանդալիզմը վրդովմունքի տեղիք է տուած, քանի որ եկեղեցին տեսարժան վայրերէն մէկն է՝  գաւառ այցելող զբոսաշրջիկներու համար։ Տարուա որոշակի ժամանակայատուածը բռնազաւթուած Արեւմտեան Հայաստանի տարբեր գաւառներէն եւ արտերկրէն հոս ժամանող զբոսաշրջիկները պարտադիր կ՚այցելէն նաեւ այս հայկական պատմական եկեղեցին։

Աղբիւրը նաեպ կը յաղորդէ, որ անյայտ անձինք պատմական կառոյցի պատերու վրայ տարբեր գոյներու գրիչներով իրենց անուններն են թողած եւ փոսեր փորած եկեղեցիին մէջ։ Այդ վերաբերմունքը հարուցած է թէ՛ տեղի բնակչութեան եւ թէ՛ պատմութիւնը գնահատող անձանց վրդովմունքը։

Յիշեցունք, որ Սիվրիհիսարի Սուրբ Երրորդութիւն հայկական եկեղեցին կառուցուած է 1650-ին։ 1876թ․ հոս բռնկուած հրդեհի պատճառաւ եկեղեցին մեծ վնասներ է կրած եւ վերականգնուած 1881 թ․՝ Պատրիարք Հայր Ներսես Վարժապետեանի օրոք։ Այն իր մեծութեամբ երկրորդ վանական համալիրն է Արեւմտեան Հայաստանի տարածքին մէջ։ Եկեղեցին նախկինը օգտագործուած է՝ որպէս գոմաղբի պահեստ։ Թիւրքական իշխանութիւնները դեռեւս 1996 թ․ կը ցանկնային վերականգնողական աշխատանքներ սկսիլ եկեղեցիին մէջ, սակայն վերանորոգումը մեկնարկած է աւելի ուշ՝ 2010-ին։