10-ամեայ դաշնակահար Տիգրան Ղազարեանը վերջին ամիսներուն միջազգային երեք հեղինակաւոր մրցումներու մէջ արժանացած է բարձրագոյն պարգեւներու՝ իր տարիքային խումբին մէջ շահելով մէկ բլաթինէ եւ երկու առաջին կարգի մրցանակ։
Երաժշտութեամբ զբաղելով չորս տարեկանէն՝ Տիգրանը վաղ տարիքէն աչքի ինկած է բացառիկ երաժշտական կարողութիւններով, ներառեալ բացարձակ լսողութեամբ եւ տպաւորիչ յիշողութեամբ։
Այս յաջողութիւններուն շնորհիւ երիտասարդ դաշնակահարը հրաւէր ստացած է մասնակցելու Իտալիայի մէջ կայանալիք «Mimas» երաժշտական փառատօնին եւ կալա համերգին։ Ան նաեւ առաջին կարգի մրցանակի արժանացած է «Nouvelles Etoiles» հեղինակաւոր միջազգային մրցոյթին մէջ՝ ստանալով համերգային ծրագիրի մասնակցութեան հնարաւորութիւն։
Այս օրերուն Տիգրան Ղազարեանը կը շարունակէ պատրաստուիլ Իտալիայի համերգներուն՝ արժանապատուութեամբ ներկայացնելով հայկական դաշնամուրային արուեստը միջազգային բեմերուն վրայ։