Երեւանին մէջ կայացած է համշենական «Մելուսես» ռոք խումբի համերգը

  • by Western Armenia, May 13, 2024 in Միջոցառումներ
30 դիտում

Արեւելեան Հայաստանին մէջ տեղի է ունեցած համշէնական «Մելուսես» ռոք խումբի համերգը։ Ատոր մասին, կը յայտնէ պոլսահայ շաբաթաթերթ «Ակօս»-ը։ Հրապարակման հեղինակ Շերիֆ Սարըի յաղորդմամբ՝ Hard Rock Cafe-ին մէջ կազմակերպուած համերգը բաւականին մեծ հետաքրքրութիւն է առաջացուցած  հայաստանցի երիտասարդութեան շրջանը։

Ըստ աղբիւրի՝ 04 Մայիս երեկոյեան տեղի ունեցած համերգին մասնակցած են ոչ միայն Արեւմտեան Հայաստանին մէջ, այլ նաեւ՝ Ռուսաստանին եւ Աբխազիոյ մէջ ապրող համշէնահայ եւ երեւանցի երիտասարդներ։ Թէեւ, նախապէա ծրագրուած է եղած, որ համերգը 2 ժամ կտեւի, սակայն այն  շարունակուած է 4 ժամ հանդիսատեսներու մեծ հետաքրքրութեան եւ ոգեւորութեան շնորհիվ։

«Մելուսես» խումբի մէնակատար Քորայ Չելիք միջոցառումէն ետք նշած է․ «Արդեն քանի մը տարի է, որ ընկերներուս հետ երաժշտութեամբ կը զբաղուենք մեր մայրենի համշէներենով (հայոց լեզուի Համշէնի բարբաաւ-Ակունքի խմբ․)։ Առաջին անգամ, յրաւեր ստանալով, համերգ ենք տուած Երեւանին մէջ։ Անկեղծ ասած՝ զարմանքով բացայայտեցինք, որ մեր ստեղծագործութիւններն այդչափ ճանաչուած են հոս՝ Հայաստանին եւ շրջակայ երկրներու մէջ։ Այդ հետաքրքրութիւնը եւ Հայաստանի բնակչութեան հիւրընկալ վերաբերմունքը տպաւորիչ էին։ Անձամբ իմ եւ մեր խումբի անունէն շնորհակալութիւն կը յայտնեմ՝ Երեւանին մէջ համերգ տալու առաջարկաւ յանդէս եկած մենեջերուն, անոր խումբին եւ Հայաստանին մէջ մեր երգերը կատարելով՝ մեզի հոս ճանաչում բերած մեր թանկագին գործընկերուհուն՝ Քրիստինէ Սահակեանին»։