Այսօր Բերձորի ազատագրման օրն է

  • by Western Armenia, May 17, 2024 in Պատմութիւն
55 դիտում

1992-ի 18 Մայիս հայկական բանակներն ազատագրեցին Հայաստանը Արցախին կապող կէնսական նշանակութիւն ունեցող Բերձոր (Լաչին) քաղաքը, որն այն ատեն  «կեանքի» միջանցք էր Արցախին համար: Քաղաքի ազատագրումով սկսաւ նաեւ ամբողջ շրջանի՝ Քաշաթաղի շրջանի ազատագրումը: 

13 Մայիս շարունակուեցսւ հայկական ոյժերու կեդրոնացումը Զարասլի գիւղի մոտ, որը կը գտնուի Շուշիի ու Լաչինի միջեւ: Այստեղ կեդրոնացուած էին զրահատեխնիկայի տասնեակ միաւորներ եւ մեծաքանակ կենդանի զինուժ: Բերձորին հետ կապը խզուած էր, այնտեղ աւերուած էին հիվանդանոցը, դպրոցը, տեղական կառավարման մարմնի շէնքը:

15 Մայիսի հայկական ջոկատները գրոհեցին բարձունքին մէջ գտնուող Աղդամի շրջանի Գիւլաբլու գիւղը: Ատրպէյճանական զորքերը, ունենալով քանակային եւ դիրքային առաւելութիւն, հետ մղեցին գրոհը: 17 Մայիս հայկական ոյժերը հետ մղեցին ատրպէյճանական բանակի գրոհը՝ Շուշիի ուղղութեամբ, որուն մասնակցեց շուրջ 1000 զինւոր։

18 Մայիս պաշտպանութեան նախարար Վազգեն Սարգսեան յայտնեց, որ բացուած է Արցախը Հայաստանի հետ կապող ճանապարհը: Օրուա երկրորդ կեսին Բաքուի ՊՆ ներկայացուցիչը խոստովանեց Բերձորին  անկումը:

Սակայն 2022-ի 26 Օգոստոս  ամէն բան փոխուեցաւ։

Բերձորն բռնազաւթուեցաւ, եթէ ռեգիոնալ առումով այն կը համընկնի Բաքուի բռնապետի կնոջ ծննդեան օրուա հետ, ապա թիւրքական աշխարհի ու յատկապէս Թիւրքիոյ համար աս առանձնայատուկ օր է այլ պատճառաւ.

1071թ հէնց այս օրը սելջուկ-թիւրքերը Մանազկերտի ճակատամարտին յաղթեցին Բիւզանդական բանակին եւ անոր աջակցող Հայ կամաւորներուն ու ատկէ ետք առ այսօր տեղաւորուեցան Հայկական լեռնաշխարհին եւ Փոքր Ասիոյ մէջ:

Մանազկերտի յաղթանակի շնորհիվ, միայն, թիւրքերը կարողացան տիրանալ Հայկական լեռնաշխարհի մեծ մասին ու Առաջաւոր Ասիոյ մէջ ստեղծիլ տարածաշրջանի առաջին թիւրքական պետութիւնը` Իկոնիայի սուլթանութիւնը, որու հիմքերու վրայ ալ պետք է ստեղծուէր Օսմանեան կայսրութիւնը, ապա եւ Թիւրքիոյ Հանրապետութիւնը:

Այնպէս որ, Բերձորը կը յանձնուի  հէնց այն օրը, երբ 1071թ. թիւրքերը առաջին անգամ ամրապնդուեցան Հայաստանին մէջ։