1991-ի գարնան, Պաքուի ՕՄՕՆ-ի եւ Խորհրդային Միութեան զինուած ուժերուն կողմէ համատեղ իրականացուած «Օղակ» գործողութեան ընթացքին, Հիւսիսային Արցախի Գետաշէն եւ Մարտունաշէն հայկական բնակավայրերը ենթարկուեցան շրջափակման, հրետակոծութեան եւ բռնի հայաթափման։ Գործողութեան հետեւանքով տասնեակ խաղաղ բնակիչներ զոհուեցան, աւելի քան 3500 հայեր բռնի տեղահանուեցան, իսկ գիւղերը հիմնովին աւերուեցան։
Գետաշէնի եւ Մարտունաշէնի ինքնապաշտպանութիւնը կը գլխաւորէին ազգային հերոսներ Թաթուլ Կրպէեանն ու Սիմոն Աչըքկիւզեանը, որոնք հերոսաբար զոհուեցան՝ պաշտպանելով խաղաղ բնակչութիւնը։ Յօդուածին մէջ կը շեշտուի, որ «Օղակ» գործողութիւնը միջազգային իրաւունքի տեսանկիւնէն կարելի է գնահատել որպէս պետական ահաբեկչութիւն, ցեղային զտում եւ մարդկութեան դէմ ուղղուած յանցագործութիւն։