Դուին հնավայրի վերականգնման համար նոր մրցոյթ կը յայտարարուի

  • by Western Armenia, July 06, 2020 in Ժառանգութիւն
722 դիտում

Արարատի մարզի Հնաբերդ համայնքին մէջ գտնուող Դուին հնավայրի վերականգնման աշխատանքները ներկայ դրութեամբ հատեր են նախագծային փուլը: Նախագծման աշխատանքները կատարուեր են «Պետրոսեան ճարտարապետական գրասենեակ» ընկերութեան կողմէ:

Դուին հնավայրին մէջ նախատեսուած է երեք յուշարձանի ամրակայելն ու վերականգնելը: 

Աշխատանքներն կիրականացնէ Հայաստանի տարածքային զարգացման հիմնադրամը՝ Համաշխարհային բանկէն ստացուած  վարկային միջոցներով եւ ՀՀ կառավարութեան համաֆինանսաւորմամբ: Առաջին փուլով ներդրումը կը կազմէ շուրջ 145 միլիոն դրամ: 

Աշխատանքները բաժնուած են երկու փուլի, առաջին փուլն խնդիր  դրուած է զգուշօրեն եւ առանց ճարտարապետական կառուցուածքը վնասելու կատարել վերականգնում, որմէ ետք միայն կը մեկնարկեն զբոսաշրջային ենթակառուցուածքներու ստեղծման աշխատանքները:

Դուինը Հայաստանի  պատմական մայրաքաղաքներէն է։ Հիմնադրուեր է 4-րդ դարի առաջին կէսին։ Դուին մայրաքաղաքի աւերակները կը գտնուին Երեւանէն ոչ հեռու։ Տասնեակ տարիներու ընթացքին  ուսումնասիրուելէ եւ պեղումներու շնորհիւ բացուեր են քաղաքի միջնաբերդի տարածքի եւ կենտրոնական թաղամասի պաշտամունքային եւ աշխարհիկ ճարտարապետական շինութիւններու մնացորդներ: