Ի՞նչ կը ներկայացնէ Ալմա Աթայի հռչակագիրը իրմէ  (Մաս 2)

  • by Western Armenia, March 05, 2024 in Պատմութիւն
62 դիտում

Բաքուն իր դիրքորոշումը ԱՊՀ֊ի նկատմամբ փոխեց միայն՝ Հեյդար Ալիեւին կողմէն 1993թ.ին՝  իշխանութիւնը նուաճելէն ետք: 1993թ. 20 Սեպտեմբեր Բաքուի խորհրդարանն ընդունեց «ԱՊՀ-ին Բաքուի Հանրապետութեան միանալու մասին» որոշումը։ Այդ որոշմամբ Բաքուի Հանրապետութիւնը կը միանար, ինչպէս ԱՊՀ, անանկ ալ՝ ԱՊՀ Հաւաքական անվտանգութեան պայմանագիրին կազմակերպութեանը։ Որոշման 3-րդ կետով Բաքուի ղեկավարին կ՚առաջարկուի իրականացնիլ՝ այդ որոշումէն բխող անհրաժեշտ միջոցառումները: Ի կատարումն այդ որոշման՝ քանի մը օր անց՝ 1993թ. 24 Սեպտեմբեր, Հեյդար Ալիեւ Մոսկուային մէջ ստորագրեց 1991թ. 08 Դեկտեմբեր  Մինսկի՝ Պէլարուսի, Ռուսաստանի Դաշնութեան (ՌՍԴԽՀ) եւ Ուկրաինիոյ կողմէն ստորագրուած համաձայնագրին կից արձանագրութիւնը եւ Ալմա Աթային հռչակագիրը: Նոյն օրը ԱՊՀ մասնակից պետութիւններու ղեկավարները, ողջունելով Բաքուի խորհրդարանին որոշումը ԱՊՀ մտնելու մասին, որոշեցին համաձայնութիւն տալ Բաքուի այդ որոշմանը: Բաքուի անդամակցութիւնը ԱՊՀ-ին իրականացուեցաւ ԱՊՀ Կանօնադրութեան 7-րդ յօդուածի՝ 3-րդ մասի համաձայն, ըստ որու՝ «Համագործակցութեան անդամ կրնայ դառնալ նաեւ այն պետութիւնը, որը կը կիսէ Համագործակցութեան նպատակներն ու սկզբունքները եւ կը ստանձնէ սոյն Կանօնադրութենէ բխող պարտաւորութիւնները բոլոր անդամ պետութիւններու համաձայնութեամբ` Կանօնադրութեանը միանալու միջոցով»: Այն հանգամանքը, որ Բաքուն  ԱՊՀ անդամ է դարձած, ոչ որպէս հիմնադիր պետութիւն, ինչպէս ատ սահմանուած է ԱՊՀ Կանօնադրութեան 7-րդ յօդուածի՝ 1-ին եւ 2-րդ մասերը, հաստատուած է նաեւ ԱՊՀ Տնտեսական դատարանի՝ 1994թ.֊ի 31 Մարտ՝ հ. 02/94 որոշմամբ։