Արցախի մանրատեղանունները․ Դահրաւ

  • by Western Armenia, April 03, 2023 in Ժառանգութիւն
368 դիտում

Դահրաւ, գիւղ՝ Արցախի Ասկերան շրջանին մէջ։ Տարածքը 2044հա է։ Դահրաւի մէջ կը  զբաղին անասնապահութեամբ, երկրագործութեամբ եւ փայտամշակութեամբ։ Ունի միջնակարգ դպրոց, բժշկական կէտ: Գիւղին մէջ կը գտնուին Ս. Յովհաննէս եկեղեցին (19-րդ դար), խաչքար (13-րդ դար), շրջակայքը՝ մատուռ (11-րդ դար), հին եկեղեցիներու աւերակներ (11-րդ եւ 13-րդ դարեր), Րաֆֆիի աղբիւր-յուշարձանը։

1989-ին գիւղին մէջ կազմաւորուած է կամաւորական ջոկատ (հրամանատար՝ Սլաւիկ Առուշանեան), որուն հիմքին վրայ ստեղծուած է դասակ, ապա՝ վաշտ (հրամանատար՝ Է. Խաչատրեան)։ Ջոկատը առանձին 1992-էն մասնակցած է Ասկերան շրջանի  գիւղերու ինքնապաշտպանական եւ Շուշի, Բերձոր, Քարվաճառ, Ակնայ,  Մարտակերտ շրջաններու ազատագրական մարտերուն։ Գիւղի խումբ մը  ազատամարտիկներ պարգեւատրուած են Արցախի Հանրապետութեան «Մարտական խաչ» 2-րդ աստիճանի շքանշանով ։