Բաքուի կողմէն հիմնահատակ աւերուած է Բերձորին Սուրբ Համբարձման եկեղեցին

  • by Western Armenia, June 19, 2024 in Ժառանգութիւն
56 դիտում

Այս անգամ  Բաքուի կողմէն հիմնահատակ աւերուած է Բերձորին Սուրբ Համբարձման եկեղեցին, որու կառուցումն աաւրտուած էր 1998-ին, իսկ  գմբեթին խաչը օծուած է  նոյն տարուա 31  Մայիսին:

Ասոր մասին կ՚ահազանգէ «Արցախի մշակութային ժառանգութեան մշտադիտարկում» անկախ ակադեմիական հարթակը։

Եկեղեցիին ճարտարապետն էր Հրաչեա Գասպարեան, իսկ շինարարութիւնը ղեկավարած էր Գեորգի Առաքելեան։  Եկեղեցիին գեղարուեստական յարդարանքին յեղինակներն էին անուանի քանդակագործ Արտաշէս Յօուսէփեան, նկարիչ Կարո Մկրտչեան փայտագործ վարպետ Վանո Դադոյեան եւ ուրիշներ։

Կը յիշեցնեն՝ դեռեւս 2021էն Բաքուի «Յուշարձաններու պահպանութեան հասարակական կազմակերպութիւնը» ներկայացուցած էր եկեղեցիին մզկիթին  վերածելու նախագիծ։

Եկեղեցիին ոչնչացումը կանխամտածուած քայլ էր։ Թշնամին  կը նշէ, թէ իբրեւ «․․․1998ին հայ բարբարոսները Լաչինին մէջ կառուցած են «եկեղեցիին» տեսքով ինքնաշինութիւն։ Հայկական բռնազաւթումէն Լաչինի ազատագրումէն ետք հայերը փորձեցին միջկրօնական թշնամութիւն հրահրիլ՝ պատմութիւններ հորինելով, թէ Բաքուի իշխանութիւնները կըպատրաստուին «եկեղեցին» վերածիլ մզկիթի։ Արդիւնքը տրամաբանական է՝ ապօրինի ինքնաշինութիւնը վերացուած է։

Յարկ է շեշտիլ, որ աս Ատրպէյճանի կողմէն եկեղեցիներու հիմնահատակ ոչնչացման առաջին դէպքը չէ։ 

Հարթակը կը շեշտէ՝ Բերձորին Սուրբ Համբարձման եկեղեցիին հասցուած վնասը համաձայն «Զինուած յակամարտութիւններու ատեն մշակութային արժէքներու պաշտպանութեան մասին» Հաագայի 1954ին կոնվենցիայի 4-րդ յօդուածին եւ լրացուցիչ՝ 1999ին ընդունուած Երկրորդ արձանագրութեան 15-րդ յօդուածին ա կետի, լուրջ խախտում է, որը՝ որպէս ռազմական յանցագործութիւն, կրնայ հետապնդուիլ միջազգային դատարաններու մէջ։

Եկեղեցիին կանխամտածուած ոչնչացումը կը խախտէ նաեւ Հռոմին Ստատուտին 8-րդ յօդուածը եւ կը յամարուի մարդկութեան դէմ ծանր յանցագործութիւն։ Բերձորին Սուրբ Համբարձման եկեղեցիին ոչնչացումը նաեւ ցեղասպանական գործողութիւն է։