Թալիշի յուշահամալիր․ Բաքուն կը շարունակէ ոչնչացնիլ

  • by Western Armenia, June 10, 2024 in Ժառանգութիւն
27 դիտում

Արցախի Մարտակերտի շրջանի Թալիշ գիւղին մէջ գտնուող Հայրենական եւ Ազատագրական պատերազմներու զոհերու յիշատակին նուիրուած յուշահամալիրը 2020ի Բաքուի բռնազաւթումէն ետք աւերուած է, իսկ հետագային հիմնահատակ ոչնչացուած է։ Ասոր մասին արձանագրած է «Արցախի մշակութային ժառանգութեան մշտադիտարկում» (MONUMENT WATCH) անկախ ակադեմիական հարթակը։

Յուշահամալիրը կառուցուած է դեռեւս 1968ին կառուցուած Հայրենական պատերազմի զոհերու յիշատակին նուիրուած յուշահամալիրին տարածքին մէջ։ 

Թալիշի ազատագրումէն ետք յուշապատի ձախ կողմը յուղարկաւորուած են չորս ազատամարտիկներ։ Հետագային բարերար, ծնունդով թալիշեցի Բորիս Սաղաթելեանի առաջարկով եւ ֆինանսաւորմամբ յուշահամալիրին կցուած է նաեւ Ազատագրական պատերազմի զոհերուն նուիրուած յուշարձանախումբը՝ արծիվներու քանդակը, Ազատագրական պատերազմի զոհերու նկարներով յուշապատը եւ խաչքարերը։ 

Քառօրեա պատերազմէն մէկ տարի անց՝ 2017թ. յուշահամալիրիբ մուտքին երկու կողմերը կը տեղադրուի երկու յուշարձան-խաչքար՝ մէկը նուիրուած Քառօրեա պատերազմի զոհերուն, միւսը Թալիշի «վերածնունդին»։ Յուշարձանի տեղադրութենէ ետք յուշահամալիրը ստացած է «Վերածնուած Թալիշ» անուանումը։