Մենք ենք, մեր տեղանունները

  • by Western Armenia, February 19, 2024 in Ժառանգութիւն
69 դիտում

Մեծ Հայքի Այրարատ աշխարհի Շիրակ գաւառին մէջ` Կարս քաղաքէն 38 կմ հարաւ-արեւելք, պատմական Հայաստանի Անի մայրաքաղաքէն՝ 23 կմ հարաւ-արեւմուտք՝ Տեկորի տաճարէն 3 կմ արեւմուտք` Ախուրեան գետին աջակողմեան՝ Տեկոր վտակին վերին հոսանքին ձախ կողմին վրայ է 5 փառահեղ եկեղեցի ունեցող Խծկոնքի վանքը, որը եկեղեցիներու թուին համար թիւրքերու կողմէն անուանափոխուած է «Բեշքիլիսա», որու մէջ «բեշը» կը նշանակէ հինգ, իսկ քիլիսան` եկեղեցի: 

20-րդ դարին սկզբներուն վանքը լքուած էր ու ամայի: Այսպիսով, յատկապէս 1915 թ. թիւրքերու կազմակերպած Հայերու ցեղասպանութենէ ետք` հայերու հետքերն անոնց հայրենիքի` Արեւմտեան Հայաստանի տարածքէն իսպառ վերացնելու նպատակով թիւրքերը սկսան հայկական աշխարհագրական անունները հիմնականը վերոգրեալ ձեւերով ու մեթոդներով արագ անուանափոխիլ, որու հետեւանքով այժմեան Թիւրքիոյ  տարածքին վրայ (որու տարածքին զգալի մասը հնէն ի վեր կը զբաղեցնէր հայոց բնօրրանը), հայկական տեղանուններ շատ քիչ են պահպանուած: