բռնագրաւուած Արեւմտեան Հայաստանի Խարբերդ քաղաքին մէջ, պղնձի դարու տաճարի պեղումներուն ընթացքին, հնագէտները յայտնաբերած են շուրջ 5000 տարուան վաղեմութիւն ունեցող սրբազան օճախներ եւ խորաններ։ Գիտնականներու գնահատմամբ՝ անոնք եղած են պաշտամունքի վայրի մէկ մասը եւ կը վկայեն, թէ Ք.Ա. 3000 թուականին շրջանի համայնքները ունեցած են զարգացած կրօնական արարողութիւններ եւ աւանդութիւններ։