Արեւմտեան Հայաստանի տարածքին՝ Նիկիայի հնագոյն քաղաքին մօտ, Իզնիկ լիճին յատակին հնագէտները յայտնաբերած են վաղ քրիստոնէական եկեղեցւոյ մը աւերակներ, որոնք կրնան կապ ունենալ 325 թուականին տեղի ունեցած Նիկիոյ Առաջին Տիեզերական Ժողովին հետ։
Կառոյցը յայտնաբերուած էր տակաւին 2014 թուականին եւ այժմ կ’ուսումնասիրուի մասնագէտներու կողմէ։ Հնագէտներու վարկածով՝ ան կրնար գոյութիւն ունեցած ըլլալ արդէն 4-րդ դարու սկիզբը եւ կապ ունենալ ժողովի մասնակիցներու հաւաքներուն հետ։
Այնուամենայնիւ, անկախ մասնագէտները կը նշեն, որ գտածոն տակաւին բաւարար ապացոյց չէ ժողովի վայրը վերջնականապէս հաստատելու համար։ Հնագիտական ուսումնասիրութիւնները կը շարունակուին։