Արցախի Ազոխ, Դրախտիկ, Քարին տակ եւ Աւետարանոց համայնքներէն տեղահանուածներու համար կը կառուցուի շուրջ 650 առանձնատուն, կը յայտնէ Արցախի նախագահի գրասենեակը: Այդ առանձնատուները կը կառուցուին Ասկերանի շրջանի Այգեստան եւ Նորագիւղ համայնքներու վարչական տարածքներուն մէջ։

Բնակավայրերու շինարարութիւնն կիրականացուի Արցախի եւ Հայաստանի կառավարութիւններու ֆինանսական միջոցներով։

Ինչպէս Արցախի նախագահի գրասենեակը կը փոխանցէ՝ առաջին բնակարանները պատրաստ կ՚ըլլան  2022-ին, իսկ շինարարութիւնն ամբողջութեամբ նախատեսուած է աւարտին հասցնել 2023-ին։

Պատերազմի հետեւանքով Ատրպէճանի տիրապետութեան տակ անցած շրջաններէն ընդհանուր առմամբ տեղահանուած է 9 հազար 396 ընտանիք կամ 38 հազար 154 հոգի, ամենաշատ բնակիչները եղած են Հադրութի, ամենաքիչը՝ Շահումեանի շրջանին։