Ռուսական խաղաղապահ զօրախումբի հումանիտար արձագանքման կենտրոնի մասնագետները Հայաստանէն մարդասիրական օգնութիւն  հասցուցած են Արցախ:

Անոնք խմելու ջուրի պահեստաւորման տարաներ են, որոնք այնքան անհրաժեշտ են Արցախի բնակիչներուն` խմելու ջուրի ընդհատումներու ժամանակ: Հատուկ բեռը կը փոխանցուի շփման գիծի մոտ գտնուող հեռաւոր շրջաններուն մէջ տեղակայուած դպրոցներուն ու մանկապարտեզներուն: Առաքումն իրականացուեր է ռուսական խաղաղապահ զօրախմբի մարդասիրական արձագանքման կենտրոնի բեռնատարներով՝ ռազմական ճանապարհային ոստիկանութեան անձնակազմի ուղեկցութեամբ: Այդ մասին տեղեկատուութիւնը հրապարակուած է ՌԴ ՊՆ պաշտօնական կայքէջին։

Ըստ հաղորդագրութեան՝ խաղաղապահ զօրախումբի հումանիտար կենտրոնի զինծառայողները երկու շաբաթուայ ընթացքին կատարեր են աւելի քան 30 երթ՝ Ստեփանակերտի աւելի քան 1,5 հազար բնակիչի ապահովելով աւելի քան 200 տոննա խմելու ջուրով:

ՌԴ ՊՆ-ն յայտնած է, որ նախօրեակին, ռուս խաղաղապահներու աջակցութեամբ, Արցախի Մարտունի շրջանի սահմանազատման գիծի մոտ ջրհոր բացուած է, որը խմելու ջուր կը տրամադրէ մոտիկ գիւղերու աւելի քան 2 հազար բնակիչի: Ջրամատակարարումը վերականգնելու աշխատանքներու բոլոր փուլերուն ռուս խաղաղապահներն ապահովեր են ջրամատակարարման գործընթացն իրականացնող աշխատակիցներու անվտանգութիւնը: