Արեւմտեան Հայաստանի Վան նահանգին մէջ գտնուող Արարատեան Թագաւորութեան ​​շրջանին պատկանող Չավուշթեփէ ամրոցին մէջ եւ  դամբարանային տարածքին մէջ պեղումներու ժամանակ յայտնաբերուած էր  անգլուխ թաղուած կնոջ գերեզման, որու հետ թաղուած  եղեր են երկու կնիք եւ թանկարժէք զարդեղէն։  Այդ կը նշանակէ, որ կինը կենդանութեան օրոք տիրակալ  եղած է։

Արարատեան թագաւորութեան (Ուրարտու) թագաւոր Սարդուրի II-ի ժամանակ մ.թ.ա. 764-734 թուականներուն կառուցուած Չավուշթեփէ ամրոցի եւ հիւսիսին մէջ գտնուող նեկրոպոլիսի տարածքին մէջ կ՛ընթանան Մշակոյթի եւ զբօսաշրջութեան նախարարութեան թոյլտուութեամբ կատարուող պեղումներ, որոնք  ուրարտական ​​հնագիտութեան առումով կարեւոր տեղեկութիւններ կը պարունակեն։

Իշխանուհի կնոջ գերեզմանը յայտնաբերեր է Վանի Հարիւրամեայ համալսարանի գրականութեան ֆակուլտետի հնագիտութեան ամբիոնի վարիչ պրոֆ. Դոկտ. Ռաֆեթ Չավուշօղլուի նախագահած՝ մարդաբաններէն, հնագետներէն, քաղաքաշինարարներէն, արուեստի պատմաբաններէն եւ վերականգնողներէն բաղկացած խումբը։ Ձեռագործ զարդերով եւ երկու կնիքով յայտնաբերուած իշխանուհիի տարիքը եւ միւս հատկութիւնները կը պարզուին ուսումնասիրութիւներէն ետք:

Leave a Reply