ՀՀ պաշտպանութեան նախարար Արշակ Կարապետեանի գլխաւորած պատուիրակութիւնը 2021թ. Սեպտեմբերի 13-ին կը մասնակցի ՌԴ Նիժնի Նովգորոդի «Մուլինո» զօրավարժադաշտին մէջ անցկացուելիք Ռուսաստանի Դաշնութեան եւ Պելառուսի Հանրապետութեան «Զապադ-2021» համատեղ ռազմավարական զօրավարժութեան ակտիվ փուլի դիտման:

Այս մասին կը տեղեկացնէ ՀՀ ՊՆ Տեղեկատուութեան եւ հասարակայնութեան հետ կապերու վարչութենէն:

Այնուհետեւ, Սեպտեմբերի 15-16-ը ՀՀ պաշտպանութեան նախարարի գլխաւորած պատուիրակութիւնը կը մասնակցի Դուշանբերի մէջ կայանալիք ՀԱՊԿ-ի կանօնադրային մարմիններու (արտաքին գործերու նախարարներու, պաշտպանութեան նախարարներու խորհուրդի եւ անվտանգութեան խորհուրդի քարտուղարներու կոմիտէի) համատեղ, ինչպէս նաեւ հաւաքական անվտանգութեան վեհաժողովի նիստերուն: