Արեւմտեան Հայաստանի Շրնաք եւ Հաքքարի նահանգներու գիւղերու բնակիչներն սկսած են նախապատրաստուիլ ձմռան։ Ձմեռն այս տարածքին մէջ բաւական խստաշունչ է եւ սնունդ հայթայթելու հարցը դժուար կ՛ըլլայ, եթէ նախօրոք պատրաստած չ՛ըլլան։ Գիւղի կանայք՝ որպէս ձմեռուայ պաշար կը չորցնեն կանաչ եւ չիլի պղպեղ, բուլղարական պղպեղ, սմբուկ, թուզ, տանձ ու խնձոր, կը պատրաստեն տոմատի մածուկ, պղպեղի մածուկ:

Կանայք չորցնելու գործընթացքը կը կատարեն տան տանիքը, կա՛մ պարանէն կախելով: Տարածաշրջանի կանանց կարծիքով,   թէ խնայողութեան, թէ առողջութեան տեսանկիւնէն աւելի լաւ է պտուղ-բանջարեղենը չորցնել:

Արեւմտեան Հայաստանի բնիկ ժողովուրդը հին ժամանակներէն ի վեր կը  տիրապետէ առողջ ու համեղ սնուելու գաղտնիքին եւ անպայման կը փոխանցէն յաջորդ ​​սերունդներուն : Մեր երկրի մէջ, որը հարուստ է գիւղատնտեսութեամբ եւ բնութեամբ, աճեցուած արտադրանքը բաւական է միլիոնաւոր մարդկանց կերակրելու համար, եւ այդ օգտակար սննդամթերքները տարուայ բոլոր եղանակներուն կերակուրի ցանկի անբաժան մասն են:

Leave a Reply