Իր ամենօրեայ բրիֆինգի մէջ Ուքրաինայի նախագահի աշխատակազմի ղեկավարի խորհրդական Ալեքսեյ Արեստովիչը, անդրադառնալով Արցախի խնդիրին, յայտարարեց, որ Արցախի մէջ ռուսներն ու ատրպէյճանցիները կը գործեն համատեղ հայերու դէմ, նպատակ ունենալով միջանցք բանալու, եւ «այդ դեպքը չէ»։ Ուքրաինայի մէջ նաեւ սկսած են խօսիլ, որ Թուրքիոյ միջնորդութիւնը Ռուսաստանի հետ բանակցութիւններուն մէջ կարող է ծուղակ դառնալ Գիեւի համար։

Թուրքիան չէ միացած Արեւմտեան պատժամիջոցներուն եւ կ՚աջակցի Ռուսաստանին, մասնաւորապէս Մերձաւոր Արեւելքէն վարձկաններուն Ուքրաինայի դէմ պատերազմին օգտագործելու հարցով։ Նոյնը կը վերաբերուի Պաքուին, թէ եւ այդ ընդամենը մէկ դրուագ է։ Բութինն Ալիեւի հետ ռազմավարական գործընկերութեան հռչակագիր ստորագրեց Ուքրաինայ ներխուժման նախօրդ օրը, եւ ուշագրաւ է, որ Ալիեւը Արցախի մէջ իր հարձակումներու կապակցութեամբ հղում կատարած է նաեւ այդ հռչակագրին։

Քարագլուխի մէջ Մոսկուայի ու Պաքուի այս համաձայնութիւնը բացայայտուեցաւ լիովին, այդ թիւին միջազգային լայն արձագանքով, որմէ ետք Մոսկուան ջղաձգումներու մէջ փորձած է մեղքը հեռացնել իրմէ։ Բութին-Փաշինեան 30 կէտանոց դատարկութըւնը անոր ուղիղ դրսեւորումն է։