Ապրիլի 27-ին տեղի ունեցավ Արևմտյան Հայաստանի Ազգային ժողովի առցանց 18-րդ նիստը, որին մասնակցում էին պատգամավորներ տարբեր երկրներից։  

Նիստի ընթացքում պատգամավորների քվեարկության արդյունքում ձայների ճնշող մեծամասնությամբ ընդունվեցին «ԱԺ Կանոնակարգում փոփոխություններ մտցնելու մասին» և «Հայերի ցեղասպանությունը ճանաչած երկրների և հաստատությունների ժամանակագրության մասին» օրենքները։

ԱԺ նիստի ընթացքում ելույթ ունեցան ԱՀՀ նախագահ Արմենակ Աբրահամյանը, պատգամավոր Հակոբ Հակոբյանը, ով  անդրադարձավ Արցախի Հանրապետության Ազգային ժողովի հայտարարությանը, Արևմտյան Հայաստանի կառավարության տարբեր անդամներ և պատգամավորներ,  ովքեր ներկայացրեցին ապրիլի 24-ին տարբեր երկրներում կայացած միջոցառումների մանրամասները։  

ԱՀՀ ԱԺ պատգամավորները որոշեցին հաջորդ նիստին հայտնել իրենց դիրքորոշումը՝  Արցախի Հանրապետության Ազգային ժողովի հայտարարության վերաբերյալ ԱՀՀ նախագահության հայտարարությանը։