Արևմտյան Հայաստանի Մարդին նահանգի Միդյաթ գավառում  մեր թվարկության 2-րդ և 3-րդ դարերին պատկանող ստորգետնյա քաղաք է հայտնաբերվել, որտեղ պահպանվել են պաշտամունքի վայրեր, հացահատիկի ամբարներ, ջրհորներ, միջանցքներ և մեծ թվով արտեֆակտներ։

Միդյաթը իր պատմությամբ և մշակույթով բացօթյա թանգարան է, որն իր հազարամյա քարե տներով, պանդոկներով, եկեղեցիներով և վանքերով հեքիաթային մթնոլորտ է ստեղծում։

Գավառում 2 տարի առաջ սկսված  պատմական փողոցների ու տների վերականգնման աշխատանքների շրջանակում գտնվեց մի քարանձավ, որը, պարզվեց միակը չէ:

Գտնվել է քարանձավի միջանցքներից  ներքին անցում  դեպի այլ բնակելի վայրեր։

Ենթադրվում է, որ  Միդյաթի ստորգետնյա քաղաքը եղել է այդ բնակելի տարածքներից մեկը,  որտեղ առնվազն 60-70 հազար մարդ  է ապրել: