Արևմտյան Հայաստանի Վան քաղաքից 28 կիլոմետր հյուսիս-արևմուտք  ընկած տարածքում հնագետները վերջերս հայտնաբերել էին 2700-ամյա ուրարտական ​​տաճար, որը թալանվել է գանձախույզների կողմից: Գանձագողերը, փորելով մոտ 5 մետր խորությամբ փոս՝ վնասել են մի կառույց, որի պատերին որմնանկարներ են եղել։  Հանցագործները կարծել են, թե իրենց թալանած տարածքը եկեղեցի է և  անմիջապես իրենց  կատարած գործողության մասին իրազեկել են Վանի թանգարանների տնօրինությանը։

Վանում կատարված բազմաթիվ հնագիտական ​​պեղումների ղեկավար, հնագետ, Կոստանդնուպոլսի համալսարանի դասախոս, դոկտոր Էրքան Քոնյարը, ուսումնասիրելով  տարածքում նկարված առաջին պատկերները, ասել է.«Ըստ պատկերների՝ սա կարող է լինել մ.թ.ա 7-րդ դարին թվագրվող ուրարտական ​​տաճար։ Այստեղից շատ մոտ գտնվում է ուրարտական ​​Ռուսա II թագավորի ամրոցը, և կառույցը կարող է կապ ունենալ այդ ամրոցի հետ։ Տաճարային համալիրի   տարածքը նման է պաշտամունքային վայրի, կարծում եմ այն նվիրված է եղել  ուրարտական ​​գլխավոր Աստծուն՝ Խալդիին»։ 

Հավելով, որ կարևոր է, թե գանձագողերը որքան առարկա են տարել այստեղից, Քոնյարը նշել է, որ ուրարտական ​​տաճարները շատ հարուստ են գտածոներով,  և որ ամենայն հավանականությամբ, այնտեղ կլինեն Խալդի Աստծուն նվիրված վահաններ, սաղավարտներ և զենքեր։

Արևմտյան Հայաստանը ցավով  է փաստում գանձագողության հերթական դեպքը և միջազգային հանրությունը պետք է ըստ արժանվույն արձագանքի սրան։ Սակայն գանձագողերը արժեքների ոչնչացման ճանապարհին վեր են հանում հայկական հին մշակույթը՝ դեռևս Քրիստոսից առաջ կառուցված, որն ակամայից ապացուցում է հայերի բնիկության և թուրքերի եկվոր լինելու մասին։