Արևմտյան Հայաստանի Իգդիր նահանգի Արալըք գավառում և Աղրի նահանգի Բայազեթ գավառում ջրհեղեղի հետևանքով բազմաթիվ տներ և մեքենաներ հայտնվել են ջրի տակ, իսկ հարակից մաքսատան  աշխատանքները դադարեցվել են։

Հորդառատ անձրևը Արարատ լեռան ստորոտին և Իգդիրի Արալըք գավառում վեր է ածվել ջրհեղեղի, որը Արարատ լեռան ստորոտից դեպի մոտակա գյուղերն ու շրջկենտրոն է քշել տարել հսկայական քարեր ու հողի զանգված։ Ջրհեղեղի հետևանքով թափված ժայռաբեկորները  փակել են Իգդիր-Նախիջևան ավտոճանապարհը։ 

Գավառի որոշ գյուղեր ամբողջովին մնացել են ջրի տակ։ 

Թեև ջրհեղեղի հետևանքով մարդկային կորուստներ չկան, նյութական վնասը մեծ է։

Արևմտյան Հայաստանը իր զորակցությունն է հայտնում այն բնիկ հայերի, ովքեր ջրհեղեղի պատճառով ինչ-որ չափով տուժել են և իր պատրաստակամությունն է հայտնում օգնելու և պաշտպանելու նրանց իրավունքները։