«Ոսկե ծիրան» 19-րդ միջազգային կինոփառատոնի բացման պաշտոնական արարողությունը տեղի կունենա հուլիսի 10-ին Արամ Խաչատրյան համերգասրահում և  կմեկնարկի ռեժիսոր Մայքլ Գորջյանի «Ամերիկացի» ֆիլմով։ 

Միջազգային կինոփառատոնն այս տարի հանրությանը կներկայացնի ֆիլմեր աշխարհի տարբեր երկրներից և ամենահեղինակավոր կինոփառատոններից։

«Ամերիկացի»-ն 2022 թվականի Հայաստան/ԱՄՆ համատեղ արտադրության ֆիլմ է, որտեղ երիտասարդ տարիքում Չարլին փախել է Հայերի դեմ իրագործված ցեղասպանությունից՝ տեղավորվելով դեպի Միացյալ Նահանգներ մեկնող բեռնախցիկում:Պատմությունը սկսվում է 1947թվականին, երբ Չարլին վերադառնում է Հայաստան եվ հանդիպում խորհրդային կոմունիզմի դաժան իրականության հետ:

Հիշեցնենք որ,  «Ոսկե ծիրան» Երևանի 19-րդ միջազգային կինոփառատոնը տեղի կունենա 2022 թվականի հուլիսի 10-17-ը։