Ճարտարապետների պալատի Անկարայի մասնաճյուղը դիմել է դատական ​​համակարգին՝ Անկարայի կենտրոնում գտնվող պատմական Ուլուս թաղամասի  հայ կաթոլիկ գերեզմանատների վրա կառուցվող շինարարության վերաբերյալ։ Պալատի տարածած հաղորդագրության համաձայն՝ դատարանը չեղյալ է հայտարարել ժամանակավոր կառույցի լիցենզիաները։

Գնահատելով որոշումը՝ Ճարտարապետների պալատի Անկարայի մասնաճյուղի նախագահ Թեզջան Քարաքուշ Ջանդանը ասաց. «Բոլոր գիտական ​​աղբյուրներից որպես հայկական կաթողիկե գերեզմանատուն հայտնի վայրում անընդունելի է որևէ խանութ կառուցելը։ Այստեղ մարդկային ոսկորներ են հայտնաբերվել։ Մեր եղբայրության և միասին ապրելու կարևոր ցուցիչ ու վկա հանդիսացող հայկական գերեզմանատան վրա խանութի ապօրինի կառուցման դեմ հայց ներկայացրեցինք դատական ​​համակարգ, որի արդյունքը եղավ այն, որ դատարանը չեղյալ հայտարարեց խանութի կառուցման շինթույլտվությունը և խորհրդի որոշումները, ինչը բոլոր առումներով անօրինական էր։ Իհարկե, որոշումը հանրային շահի տեսանկյունից ուրախացնող է, սակայն պատմական գերեզմանոցը արդեն ավերվել է։ Այս որոշման համաձայն պետք է պատժվեն բոլոր մեղավորները»։

Սա թուրքական հատուկ գործելոճ է, նպատակն  է վերացնել հայկական հետքը, իսկ դրանից հետո տասնամյակներ ընթացող դատական գործեր հարուցել։  Արևմտյան Հայաստանը դատապարտում  է այս ամենը, և կոչ անում միջազգային հանրությանը սթափ նայել այս իրավիճակին և հստակ գնահատականներ տալ այս դեպքի առթիվ։