Արևմտյան Հայաստանի խորհրդարանի կողմից կազմակերպված գիտաժողովի ընթացքում ելույթով հանդես եկավ նաև Western Armenia TV-ի թուրքերեն բաժնի խմբագիր Բենիամին Հովհաննիսյանը:
Իր ելույթում նա նշեց.«Արևմտյան Հայաստանի հեռուստատեսությունը, “Western Armenia tv”-ն հավատարիմ մնալով իր սկզբունքներին և հեռուստադիտողին, շարունակում է իր անխափան աշխատանքը՝ նոր մոտեցումներով։
Սիրելի հայրենակիցներ Արևմտյան Հայաստանի ճակատագրով հետաքրքրված նվիրյալներ, այսօր առավել քան երբևէ մեզ անհրաժեշտ է համախմբվել, աջակցել միմյանց, ավելի սերտ շփվել միմյանց հետ աշխարհաքաղաքական մեծ իրադարձությունների այս հորձանուտում։Մենք թափանցիկ և հասանելի կերպով ներկայացնում ենք նաև Արևմտյան Հայաստանի Հանրապետության նախագահի, կառավարության, Ազգային ժողովի և մյուս կառույցների գործունեությունը»: