Արևմտյան Հայաստանի Տիգրանակերտ նահանգի Էյիլ գավառում գտնվող Տիգրիսի ջրամբարում ստորջրյա նկարահանումներ իրականացնող կազմակերպության ղեկավար Թահսին Ջեյլանը նկարահանել է ջրի տակ անցած բազմաթիվ քաղաքակրթությունների հետքեր կրող գեղեցիկ շինություններ:
Թահսին Ջեյլանը հայտարարության մեջ նշել է, որ ջրամբարի հատակում գտնվում են հնամենի գերեզմանատուն և այլ կառույցներ, այդ թվում՝ մեկ կամուրջ և 30-35 մետր խորության վրա գտնվող անվնաս պահպանված ջրաղաց։ Բացի այդ, ջրամբարը հարուստ է տարբեր տեսակի ձկներով:
