Տեխասի համալսարանը շուտով լույս կընծայի «Մենք բոլորս հայ ենք» գիրքը, որը ստեղծվել է տարբեր հեղինակների համատեղ աշխատանքով: 

Հայերի դեմ իրագործված ցեղասպանությունից փրկվածները  և նրանց սերունդները գրել են բազմաթիվ պատմվածքներ և այլ ստեղծագործություններ:

Տարագիր հայ գրողները  կրում են իրենց պատմությունը պատմելու և ներկայացնելու դժվարին պատասխանատվությունը, քանի որ շատ դեպքերում այն մնացել է  չլուսաբանված:  Այդ պատմությունը պատմելը պահանջում է անցյալի իրադարձությունները ճիշտ ձևակերպելու և զեկուցելու բարդ հավասարակշռություն, ինչպես նաև հարգանք մշակույթի նկատմամբ: 

Արամ Միրզոյանի խմբագրությամբ “Մենք բոլորս հայ ենք ” գիրքը միավորում է հայտնի և սկսնակ հայ և օտարազգի հեղինակներին՝ խորհելու այսօր հայկական էթնիկ ինքնության բարդությունների մասին։ Այս անհատական հոդվածներից ու էսսեներից կազմված գիրքը հնարավորություն է տալիս բարձրացնելու տարագիր հայերի, ինչպես նաև տարբեր ազգերի ներկայացուցիչների ձայնը, որոնք պատմականորեն լռության են մատնվել իրենց համայնքների ներսում և դրսում: Այս ժամանակակից անթոլոգիայի տասնութ մասնակիցները ուսումնասիրել են տեղահանման, ձուլման, ժառանգության ավելի լայն սահմանումների խնդիրները: Գիտական ​​գրականության միջոցով նրանցից շատերը ներկայացնում են, թե ինչ է նշանակում հայ լինել՝ հաճախ  անծանոթ համայնքում: