Թուրքիայում գործող քրդամետ «Ժողովուրդների դեմոկրատական» կուսակցության (HDP-ԺԴԿ) նախկին համանախագահ, այժմ բանտարկված Սելահաթթին Դեմիրթաշը ներքաղաքական խնդիրներից զրուցել է թուրքական «T24» հեռուստաալիքի լրագրողի հետ:
Նա նշել է, որ ընտրությունները չեն կարող հետաձգվել, ընտրությունները հետաձգել նշանակում է հեղաշրջում անել, և ինչպես հուլիսի 15-ին (նկատի ունի 2016 թվականի հուլիսի 15-ի հեղաշրջման փորձը-խմբ․), ժողովրդի մեջ կարթնանա ընդդիմանալու ցանկությունը։
«Ընտրությունները քաղաքական կուսակցությունները չեն անում, այլ՝ ժողովուրդը։ Այդ իսկ պատճառով ընտրություն կատարելը ժողովրդի իրավունքն է, ոչ թե քաղաքական գործիչների։ Ոչ ոք ժողովրդի իրավունքը չի կարող չեղարկել կամ հեղաշրջմամբ գողանալ»,- պարզաբանել է Դեմիրթաշը։
Արևմտյան Հայաստանը դատապարտում է թուրքական իշխանությունների՝ առհասարակ Արևմտյան Հայաստանում անօրինական ընտրություններ կազմակերպելու որոշումը։ Արևմտյան Հայաստանի տարածքները ոչ միայն բռնազավթված են Թուրքիայի կողմից, աևլև երկրաշարժի պատճառով մարդիկ հայտնվել են ծայրաստիճան վատ վիճակում։