Արեւմտյան Հայաստանի Հանրապետության կառավարության  մամլո հաղորդագրություն։

Երևան, 24 ՄԱՅԻՍԻ 2023թ.

Արցախի տարածքում տեղի ունեցած վերջին իրադարձությունների կապակցությամբ Արեւմտյան Հայաստանի Հանրապետության կառավարությունը հիշեցնում է, որ Արցախը 1920 թվականին ճանաչված Հայաստան պետության անբաժանելի մասն է, որի շարունակականությունն Արեւմտյան Հայաստանն է:

Հետեւաբար իր միջազգայնորեն ճանաչված կարգավիճակի հիման վրա   Արևմտյան Հայաստան պետությունն է , որ  ունի իր տարածքում ցանկացած հարցի վերաբերյալ որոշումներ կայացնելու իրավական լեգիտիմություն։

Հարկ է նշել նաև, որ պատերազմներն ու ցեղասպանության ծրագրերը, ինչպես նաև պայմանագրեր և բանաձևեր (Ալեքսանդրապոլի 1920թ.դեկտեմբերի 2-ի պայմանագիր, 1921թ. մարտի 16-ի Մոսկվայի պայմանագիր, 1921թ. հոկտեմբերի 20-ի Կարսի պայմանագիր, 1921թ. հոկտեմբերի 20-ի Անգորայի պայմանագիր կամ համաձայնագիր, 1923թ. հուլիսի 24-ի Լոզանի պայմանագիր, Հայկական հարցի վերաբերյալ Եվրոպական խորհրդարանի 1987թ. հունիսի 18-ի..),շարունակաբար ավելի քան 100 տարի իրականացվել են ընդդեմ հայ ժողովրդի, որոնք նպատակ ունեին `փորձել չեղյալ հայտարարել Սևրի դաշնագիրը։

Ադրբեջանի և (Արևելյան) Հայաստանի Հանրապետության միջև այսպես կոչված խաղաղության նոր պայմանագրի ստորագրման հեռանկարը նույնպես հայ ժողովրդի  արդեն միջազգայնորեն ունեցած իրավունքների ոչնչացման այս ծրագրի մի մասն է:

Դա նպատակ ունի նաև օրինականացնել Խորհրդային Միության տարիներին առանց միջազգային իրավական հիմքի հաստատված սահմանները (Ալմա-Աթայի հռչակագիր), պաշտոնապես հաստատել Ադրբեջանի, ինչպես նաև Հայաստանի Հանրապետության (Արևելյան) ինքնիշխանությունը և օրինականացնել Ստալինի և Մուստաֆա Քեմալի կատարած բաժանումը:

Սակայն միակ հաշտության պայմանագիրը, որը վերաբերում է հայ ժողովրդին, արդեն գոյություն ունեցող Սևրի միջազգային հաշտության դաշնագիրն է, որն իր կիրառումը պետք է գտնի, մասնավորապես, Վուդրո Վիլսոնի Հայաստանի արևելյան սահմանի որոշման վերաբերյալ իրավարար վճռի կիրառման ՝ համաձայն նշված պայմանագրի 92-րդ հոդվածի ։ 

Հարկ է հիշեցնել, որ Հայաստանի Հանրապետության (Արևելյան) կառավարությունը իրավական լեգիտիմություն չունի Արցախի բնիկ հայ ժողովրդի ապագայի վերաբերյալ որոշում կայացնելու համար: 

Այդ պատճառով Արցախի կարգավիճակի մասին վերջին հայտարարությունները, որոնք հնչում են  (Արևելյան) Հայաստանի Հանրապետությունից, անվավեր են համարվում Արևմտյան Հայաստանի կողմից:

Արևմտյան Հայաստանի կողմից:Արցախի տարածքի բռնազավթումը և նրա բնիկ բնակչության ցեղասպանությունը սոսկ հետևանք են Արևմտյան Հայաստանում ապրող հայերի  իրավունքների մոռացության, անտարբերության, նենգափոխման և  ժխտման, որոնք տառապել և շարունակում են տառապել բռնազավթման և ցեղասպանության հետևանքներից:

Շարունակելով Նորին Գերազանցություն Պողոս Նուբարի կատարած աշխատանքը, Արեւմտյան Հայաստանը երեկ եւ այսօր շարունակում է  աշխատել հայ ազգի հիմնարար շահերին համապատասխան եւ արժանապատվորեն ներկայացնել իր ժողովրդին, նրա  զգալի մասի կողմից այդ թվում Արցախի բնակչության, հիմնականում Շուշիի հայ բնակչության կողմից իրեն արդեն իսկ վերապահված մանդատի շրջանակներում ։

Արեւմտյան Հայաստանը շարունակելու է պաշտպանել հայ ժողովրդի իրավունքները միջազգային համաժողովներում, ինչպես դա արել է ավելի քան 17 տարի, եւ շարունակելու է իր աշխատանքը ազգայինի վերականգնման ուղղությամբ: 

Արեւմտյան Հայաստանի կառավարությունը տեղեկացնում է, որ  Ադրբեջանի դեմ դատավարությունները կապված 2020 թվականի ագրեսիվ պատերազմի հետևանքների  հետ շարունակվում են եւ ժողովրդին կտեղեկացնի դրա հետ կապված հետագա զարգացումների մասին:

Հայ ազգի արժանապատվության պաշտպանությանն ուղղված աշխատանքը չի կարող կատարվել առանց Արեւմտյան Հայաստանի, որի իրավունքները չափազանց երկարատև եւ անարդարացիորեն ոտնահարվել են, եւ նա չի նահանջի իր ազգի բնիկության սկզբունքից եւ նրա հիմնական իրավունքներից ՝ համաձայն ՄԱԿ-ի Բնիկ ժողովուրդների իրավունքների մասին հռչակագրի:

Լիդիա Մարգոսյան

Արեւմտյան Հայաստանի Հանրապետության կառավարության մամուլի քարտուղար

Արեւմտյան Հայաստանի Հանրապետության արտաքին գործերի նախարար:

Մայիսի 24, 2023թ