Արցախի Հանրապետության մարդու իրավունքների պաշտպան Գեղամ Ստեփանյանի ֆեյսբուքյան գրառումը. Խիստ հիասթափեցնող է, որ Եվրոպական Միությունը՝ ի դեմս Եվրոպական խորհրդի նախագահ Շառլ Միշելի, Արցախի ժողովրդին դիմում է «նախկին ԼՂԻՄ-ում բնակվող հայեր» եզրույթով՝ անտեսելով ինքնորոշման հիմնարար և անօտարելի իրավունքի իրացման վրա հիմնված Արցախի պետականության տասնամյակների գոյության փաստը։ Նման ձևակերպումները, որոնք դիտավորյալ են արվում աշխարհում մարդու իրավունքների արժեքները պաշտպանող Միության կողմից, ոչ միայն վիրավորում են արցախցիների զգացմունքները, այլև կործանարար ազդեցություն են ունենում հակամարտության խաղաղ կարգավորման գործընթացի վրա՝ անտեսելով դրա հիմնական շահառուի՝ Արցախի ժողովրդի իրավունքները։ Արցախի ժողովրդի կամքն ու շահերն անտեսելը, Լեռնային Արցախ տերմինը օգտագործելուց դիտավորյալ խուսափելը միանշանակ չեն նպաստում ԵՄ-ի նախաձեռնությամբ ընթացող խաղաղ բանակցություններին, այլ ճանապարհ են հարթում ժողովրդավարության կայուն մակարդակ ունեցող՝ Արցախի բռնի հպատակեցմանը հայատյաց ու ավտորիտար Բաքվի իշխանություններին:
Արևմտյան Հայաստանի կառավարությունն արդեն անդրադարձել է Շառլ Միշելի հայտարարություններին, որակելով դրանք՝ մեղմ ասած ոչ կոռեկտ և հիմնազուրկ:Ինչպես բազմիցս նշել ենք՝ Արցախի և Շահումյանի շրջանի ժողովուրդը դեռևս 1991թվականին անջատվել է նախկին ԽՍՀՄ-ից՝ չլինելով պաշտոնապես ներկա՝ոչ իրավա-քաղաքական սուբյեկտ՝ Բաքվի իշխանությունների տարածքային մաս: Շառլ Միշելը իր նման հայտարարություններով միայն բացահայտում է Եվրոպական խորհրդի երկակի դեմքը: