Սարդարապատը վերջակետ դրեց Մեծ եղեռնի արհավիրքին ու ապահովեց հայության լինելիությունը, թեեւ չկարողացավ լիովին կասեցնել Հայերի ցեղասպանության ընթացքը, որը շարունակվում է մինչեւ այսօր:

Մեծ հայրենականի հաղթանակը հաստատեց հայության լինելիության կամքը: Նորագույն զինյալ ազատագրական պայքարը վերահաստատեց դա: Արցախյան ազատամարտը նոր շունչ հաղորդեց դրան:

Ապագան կերտվելու է մերձավորարեւելյան իրադարձությունների հորձանուտում, որտեղ որոշվելու է տարածաշրջանի շատ ազգերի ու պետությունների ապագան, այդ թվում եւ հայության, անկախ այն հանգամանքից, թե հայությունը որքանո՞վ է պատրաստ լինելու դրան:

Սեւակյան այս պատգամը սերունդներին կարեւոր է, որովհետեւ դրա հիմքերը քաղաքակրթական ուղու, հիշողության ու պատկանելիության ակունքներում են եւ մարդկային հասարակության բնականոն զարգացումներում, որոնք անհնար է կասեցնել, ինչն էլ ապահովելու է հայության լինելու, զարգանալու եւ ապագա ունենալու իրավունքը:

Հաղթանակը մերն է լինելու:

Տիգրան Փաշաբեզյան

Արեւմտյան Հայաստանի Հանրապետության վարչապետ

 22-28.05.2015 թ.

ՍԱՐԴԱՐԱՊԱՏ

 Խոսք` Պարույր Սևակի, երաժշտ` Էդգար Հովհաննիսյանի

Երբ չի մնում ելք ու ճար,

Խենթերն են գտնում հնար:

Այսպես ծագեց, արեգակեց

Սարդարապատի մարտը մեծ:

կրկներգ-

Զանգե՛ր, ղողանջեք,

Սրբազան քաջերին կանչեք

Այս արդար պատից:

Սերուդնե՛ր, դուք ձեզ ճանաչեք

Սարդարապատից:

Ավարայրից ջանք առանք,

Այստեղ մի պահ կանգ առանք,

Որ շունչ առած` շունչերս տանք

Սարդարապատի պատի տակ:

կրկներգ-

Զանգե՛ր, ղողանջեք,

Սրբազան քաջերին կանչեք

Այս արդար պատից:

Սերունդնե՛ր, դուք ձեզ ճանաչեք

Սարդարապատից:

Բայց մենք չընկանք, մենք միշտ կանք,

Մենք չհանգանք, դեռ կգանք`

Երբ տան զանգը, ահազանգը`

Որ մեր հոգու պարտքը տանք:

կրկներգ-

Զանգե՛ր, ղողանջեք,

Սրբազան քաջերին կանչեք

Այս արդար պատից:

Սերունդնե՛ր, դուք ձեզ ճանաչեք

Սարդարապատից: