Պարոն Նախագահ, իմ անունը Արմենակ Աբրահամյան է : Արեւմտյան Հայաստանի ազգային խորհուրդը, որը ես ղեկավարում եմ, ՄԱԿ-ի Բնիկ ժողովուրդների իրավունքների կազմակերպության շրջանակներում գործում է 2005 թվականից:
Ադրբեջանի ներկայացուցչի վերջին ելույթի ժամանակ նա նշել է որ Արցախում իմ բնիկ ժողովուրդը, որի նկատմամբ ես ունեմ պաշտոնական մանդատ, համարվում է անջատողական, ուստի այստեղ ուզում եմ հիշեցնել, թե ինչ է արել Ադրբեջանը:
Նախ շեշտեմ որ , Ադրբեջանի սահմանները գոյություն չունեն միջազգային իրավունքում և հիմնված են բացառապես 1991 թվականին Ալմաթիում ընդունված քաղաքական հռչակագրի վրա։ Իրականում դա արդիական հարց է ։
Արցախ (Ղարաբաղ) տարածաշրջանը միջազգային իրավունքով երբեք չի եղել Ադրբեջանի մաս, քանի որ այն հազարամյակներ շարունակ եղել է բնիկ հայերի տարածք ՝ այսօրվա “Ադրբեջան” կոչված պետության գոյությունից շատ առաջ։
Ադրբեջանը 1920 թվականին ոչնչացրեց Արցախի Շուշիի բնիկ հայերին ՝ շարունակելով Հայերի դեմ ցեղասպանությունն Արևմտյան Հայաստանում իրար հաջորդող թուրքական կառավարությունների կողմից:
Ադրբեջանը 1988 -1990 թվականին ոչնչացրել է Սումգայիթի, Բաքվի, Գյանջայի բնիկ հայերին:
1992թ. ապրիլին Ադրբեջանը ոչնչացրեց Մարաղայի բնիկ հայերին Արցախում:
Ադրբեջանը հարձակվել է մեր գերեզմանոցների վրա և 2005 թվականի դեկտեմբերին ավերել միջնադարյան հայկական գերեզմանատունը՝ Ջուղայի ավելի քան 5000 գերեզման, Նախիջևանում ։
2020 թվականին Ադրբեջանը ամբողջ աշխարհի աչքի առաջ հազարավոր բնիկ հայերի է սպանել և այսօր ռազմական միջոցներով շրջապատման մեջ է պահում արցախահայությանը:
Այդ ժամանակից ի վեր Ադրբեջանը ոչնչացնում է այն տարածքների հոգևոր և սրբազան ժառանգությունը, որոնք նա օկուպացրել է այս պատերազմի արդյունքում:
Եվ գիտե՞ք ինչու, որովհետև Ադրբեջանը սիրում է մեր տարածքները և ատում մեզ, ներկայացնելով դա իբրև սեր մեզ ։ Նա մեզ Ադրբեջանի քաղաքացի է համարում, կցանկանար, որ մենք ավելի հնազանդ լինեինք ։
Այսպիսով, այո, դա ճիշտ է, և դա միակ բանն է, որ ճիշտ է Ադրբեջանի միջամտության վերաբերյալ: Ադրբեջանի կողմից օկուպացված Արցախում (Ղարաբաղում) բնակվող բնիկ հայերը չեն ցանկանում և չեն ապրելու Ադրբեջանի լծի տակ:
Ուստի ես պաշտոնապես կոչ եմ անում Ադրբեջանին ՝ այստեղ ՝ բնիկ ժողովուրդների միջազգային հանրության առջև, ճանաչելու Արցախում բնիկ հայերի ինքնորոշման իրավունքը:
Շնորհակալություն, պարոն Նախագահ