Ակնա-Ստեփանակերտ ճանապարհի ագելափակման նախաձեռնող խմբի անդամ Վլադ Բալայանը գրում է, որ «Ասկերանում հերթապահությունը շարունակվում է»։Վլադ Բալայանը՝ նշելով, որ Ասկերանում արդեն բավականին ցուրտ է։ «Այսուհետ Ակնայի ճանապարհով ոչ մի բեռնատար, ոչ մի բեռ չի անցնելու, նույնիսկ եթե դա լինի հայկական օգնություն, միայն ու միայն Բերձորի ճանապարհով պետք է օգնություն մտնի Արցախ։ Սա է մեր պահանջը, այլ ճանապարհ մեզ համար ընդունելի չէ՝ մենք պահանջում ենք Բերձորի ճանապարհի ապաշրջափակում»։ Բալայանը նաեւ գրել է, որ եթե նույնիսկ Բաքուն թույլ տա արցախցիներին՝ անցնել Բերձորում տեղակայված անօրինական անցակետով, չօգտվել այդ անցակետից, իրենք դա չեն թույլատրելու։ «Զգուշացնում եմ բոլոր արցախցիներին, ովքեր ուսանող լինելու անվան տակ` ընտանիքներով ճողոպրում են մայր Հայաստան, չլքեն Արցախը։ Զգուշացնում եմ բոլորին, որ վաղվանից չլքեն Արցախը, վաղվանից դա չի լինելու։ Եթե ես իմ երեք երեխաների հետ շարունակում եմ մնալ Արցախում, թեկուզ սովամահ լինել, նրանք էլ են պարտավոր մնալ Արցախում։ Վաղվանից արդեն ոչ ոք չի կարողանա ճողոպրել Արցախից, զգուշացնում եմ բոլորին»։ Նա կարծում է, որ այս իրավիճակում, երբ Արցախի ողջ բնակչությունը գիտակցաբար, իրենց կյանքը վտանգելով, պայքարում է հայրենիքում ապրելու իրավունքի համար, Արցախից ճողոպրողների ելքը պետք է փակել»: