ԿԻԼԻԿԻԱ — Վերջերս Սուէյդայի նահանգի վրայ յարձակման ժամանակ, Դա՛էշի ահաբեկչական խմբաւորումը առեւանգած է Դիւրզի կանանց՝ զանոնք ստրկացնելու համար:

Սուրիոյ հարաւ-արեւելեան Սուէյդա նահանգին մէջ տեղի ունեցած բարբարոսական յարձակման ընթացքին Դա՛էշը առեւանգած է Դիւզի կանանց՝ զանոնք ստրուկներ դարձնելու նպատակով։ Սուրիացի գործիչները յայտարարած են, որ յարձակումը խլած է աւելի քան 250 մարդու կեանքը, իսկ շատեր վիրաւորուած են:

Այս յարձակումը յարուցեց Սուրիոյ նախագահ Բաշշար ալ-Ասադի կողմնակիցներու վրդովմունքը:

Ի պատասխան այս բարբարոսական գործողութեան՝ քանի մը Դիւրզի կրօնական առաջնորդներ եւ հոգեւորականներ իրենց կանանչ լոյսը տուին Դա՛էշի վրայ ռուսական փոխադարձ յարձակման:

«Ռուսական ռազմական պատուիրակութիւն մը վերջերս Սուէյդա մեկնած է եւ խնդրած է Դիւրզի ղեկավարներէն՝ ընդունելու տեղական ուժերու մասնակցութիւնը այն գործողութիւններուն, որոնց Ռուսաստանը պիտի աջակցի Սուրիոյ հարաւ-արեւմուտքին», հաստատած է դիւրզի պատասխանատու մը։

«Այս յարձակումը նպատակ ունի ազատագրելու ահաբեկիչներուն կողմէ վերահսկուող տարածքները», — աւելցուցած է ան:

PressTV — 1800 եզիդի կանայք առեւանգուած են Դա՛էշի կողմէ
Դա՛էշը եզիդի կանանց վերածած է սեռական ստրուկներու https://www.presstv.com/Detail/2016/05/11/465009/1800-femmes-yzidies-captures-par-Daech