Սեպտեմբեր 13, 2015

Երեկ եւ այսօր կարեւոր միջոցառում տեղի ունեցավ Ջավախքի Մեծ Արագյալ գյուղում, ուր ավարտին է մոտենում գյուղի նոր եկեղեցու՝ Սուրբ Խաչի շինարարությունը: Երեկ, սեպտեմբերի 11-ին եկեղեցու մուտքի մոտ կանգնեցվեց մի նոր խաչքար, որը իրականացվել է տեր եւ տիկին Ստեփան եւ Արմինե Գինոսյանների բարերարությամբ:

Իսկ այսօր, սեպտեմբերի 12-ին եկեղեցու վրա հանդիսավոր պայմաններում տեղադրվեց սրբագործված խաչը եւ կախվեց եկեցեցու զանգը: Խաչի օծման արարողությանը մասնակցեցին տեր Վազգեն եպիսկոպոս Միրզախանյանը, Տեր Արմաշ քահանա Պողոսյանը եւ Խորեն վարդապետը:

Մինչեւ վերջերս Մեծ Արագալ գյուղը չուներ գործող եկեղեցի, իսկ հին եկեղեցու շենքը գտնվում էր կիսաքանդ վիճակում: Նոր եկեղեցին նախատեսվում է բացել հոկտեմբերի 13-ին:

Սուրբ խաչ եկեղեցու կառուցումը իրականացվում է բարերար Արթուր և Աիդա Իսոյանների ֆինանսավորմամբ:

Այսօրվա իրադարձության մնացած լուսանկարները կարելի է տեսնել այստեղ:

Թղթակցություն Մեծ Արագյալից, Ջավախք
Հատուկ Ջավախք Մեդիայի համար

http://javakhkmedia.com/?p=6282 »