Առնվազն չորս հրթիռ է պայթել Բաղդադից հյուսիս գտնվող ռազմակայանի մոտ, որտեղ տեղակայված են ԱՄՆ ԶՈւ զինծառայողները։ Այս մասին տեղեկացրել է Al Arabiya հեռուստաալիքը՝ հղում կատարելով Իրաքի անվտանգության ուժերին, փոխանցում է ՏԱՍՍ-ը։

«Կատյուշա» տիպի չորս հրթիռ է պայթել երեկոյան Էթ Թաջ մեծ ռազմակայանի մոտ, որը գտնվում է Իրաքի մայրաքաղաքի մոտ, եւ որտեղ գտնվում են ամերիկյան զորքերը»,- ճշտել է հեռուստաալիքը։ Նշվում է, որ պայթյունների հետեւանքով ոչ ոք չի տուժել։