Հայաստանի ազգային ֆիլհարմոնիկ նվագախումբը «Երևան գալա» բացառիկ համերգով հանդիսավոր կերպով բացեց «Արամ Խաչատրյան» համերգասրահի նոր բացօթյա հարթակը՝ Khachaturian Rooftop-ը։
Մայրամուտի գեղեցիկ ֆոնին հնչեցին Երևանի մասին սիրված երգերը՝ ստանալով նոր սիմֆոնիկ մեկնաբանություն։ Համերգը ղեկավարեցին Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը և դիրիժոր Յարոսլավ Բիչկովը։ Երեկոյին մասնակցեցին նաև հայտնի հայ կատարողներ, իսկ հատուկ հյուրն էր օպերային երգիչ Լիպարիտ Ավետիսյանը։
Նոր բացօթյա հարթակը նախատեսված է դառնալու համերգասրահի մշակութային կյանքի կարևոր կենտրոններից մեկը՝ հյուրընկալելով տարբեր երաժշտական և մշակութային միջոցառումներ։